Ѓоковиќ му одговори на Јокиќ: Тешко е да дојдете до неговиот број, но ќе му испратам порака… (Видео)

Новак Ѓоковиќ и Никола Јокиќ се најпознатите и најзвучни спортски амбасадори на Србија во последно време, но за светската јавност доста актуелна во последните неколку часа е преписката која ја имаа двајцата преку медиумите.

Откако се пласираше во големото НБА финале, Јокиќ ги одби споредбите со еден од најдобрите тенисери на сите времиња и го стави неколку скалила погоре од себе, но со својата изјава го привлече вниманието и на Ноле кој реши да му одговори по првата победа на Ролан Гарос.

– Новак е човек кој ја претставува Србина на далеку поголема сцена, тој е амбасадор на Србија. Тој е идол на сите деца во Србија, не само на теренот, и надвор од него. Не само поради тоа што го прави на теренот, туку и поради тоа што го прави неговата Фондација.

– Новак е човек на кого може да се угледате, јас сакам да бидам како него. Прави одлична работа за децата, за Србија, едноставно не можам да се споредам со него, – изјави Јокиќ пред една недела, а сега доби одговор од Ноле.

– Јокиќ е најдобар кошаркар во моментов, никој не може да го направи тоа што тој го прави. Постојано навивам за него, тој е гордоста на Србија. Сите сме горди на него и се надеваме дека ќе го освои шампионскиот прстен. Бев почестен од неговите зборови, ја видов неговата изјава и благодарен сум за тоа. Не бевме во контакт, дури вчера го добив неговиот број и сега ќе му пратам порака. Денес тешко се доаѓа до неговиот број, ќе му се заблагодарам за тоа што го кажа. Кажа нешто преубаво, истото го чувствувам за него. Тој е многу скромно и едноставно момче, – изјави Ѓоковиќ.

Serbian legend and tennis GOAT, Novak Djokovic, discusses his admiration for Nikola Jokic.

“He’s the pride of serbia, we’re so proud of him. We hope he can win his first ring”#MileHighBasketball pic.twitter.com/sTmzhrdpAe

— n i k o l a e s t h e t i c (@nikolaesthetic) May 29, 2023