Ѓоковиќ може да паузира до следното издание на Аустралијан Опен

Новак Ѓоковиќ го откажал настапот на Мастерсот во Париз, а српските медиуми најавуваат дека е можно да паузира до крајот на годината.

Српскиот тенисер неодамна го победи Рафаел Надал во нивното последно соочување и тоа во рамките на егзибицискиот турнир во Ријад, а денеска стана јасно дека нема да игра во француската престолнина од 28. октомври до 3. ноември.

Завршниот АТП Мастерс во Торино треба да ги собере најдобрите осум тенисери за крај на сезоната, но во моментов Ѓоковиќ е поблуски до одлуката да го пропушти и овој атрактивен турнир и да го отстапи своето место на тенисерите кои чекаат своја шанса како резерви.

Ако се исполни сценариото на медиумите, следен турнир на Ѓоковиќ може да биде Аустралијан Опен, во првиот месец од 2025 година.