Поврзете се со нас

АТП

Ѓоковиќ: Испраќањето на Надал беше некоректно, жалам што не бев до него

Објавено

на

Foto:instagram.com/djokernole

Последниот тениски танц на Рафаел Надал не мина онака како што многумина очекуваа, не само поради поразот кој го претрпе во Дејвис Купот, туку и поради отсуството на многу елитни имиња од белиот спорт.

За разлика од Рожер Федерер кој беше испратен во пензија од сите свои најголеми ривали крај себе, Надал беше испратен во една доста скромна и необична атмосфера во Малага, а веднаш по завршувањето на настанот, многумина почнаа да даваат изјави за тоа дека легендарниот Шпанец не бил испратен онака како што доликува.

Рафа во свој препознтлив стил не даде преголемо значење на себе и нагласи дека ќе има нови шанси да биде поздравен и на најголемите турнири во светот, но сепак целокупниот заклучок е дека завршниот чин во негова чест беше преедноставен за човек кој му понуди толку многу на тенисот.

Истото мислење го дели и Новак Ѓоковиќ, кој пак додава дека посебно му е жал што не бил во близина на Надал во моментите кога ги доживуваше своите последни тениски моменти.

– Не ги знам сите детали во целост, но го видов видеото и испраќањето кое го имаше Надал и тоа мислам дека не беше коректно за еден толку шампион. Јас и Енди Мари имавме во план да пристигнеме во Шпанија во петок за полуфиналињата, но на крајот испадна дека не треба да одиме…..

– Не знам дали Надал не сакаше да се крене преголема врева околу неговото испраќање, не знам ни дали беше сигурно дали ќе игра, но најверојатно сето тоа направи организаторите да немаат доволно време да направат нешто поголемо. Јас лично се чувствувам многу лошо што не бев блиску до него тој ден кој испадна дека е последен во тениската кариера, – признава Ѓоковиќ.

Advertisement
Advertisement

Италија

Advertisement

Популарни