Ѓоковиќ го коментираше испадот на неговиот татко: Сме поминале низ војни, знаеме..

Новак Ѓоковиќ обезбеди уште еден, десетти пласман во финалето на Аустралија опен откако утрово без проблеми го совлада Томи Пол.

По натпреварот, јасно беше дека Ѓоковиќ ќе биде запрашан за испадот на неговиот татко, Срѓан Ѓоковиќ кој се фотографираше со фанови на тенисерот кои имаа руски симболи кои се употребуваат во војната помеѓу Русија и Украина.

Новак застана во одбрана на неговиот татко потенцирајќи дека јавноста погрешно го интерпретирала целиот тој настан.

– Видов што се случи. Нсреќно е тоа што една погрешна интерпретација толку ескалираше. Ние како семејство сме поминале низ војни, знаеме колку е тоа разурнувачки и никогаш нема да бидеме за било каква војна.

– Татко ми после секој мој натпревар одеше да се заблагодари на навивачите, да биде со нив и да се слика. Секако дека не ми беше пријатно сето тоа што се случува, -изјави Ѓоковиќ кој против Стефанос Циципас во недела ќе се обиде да стигне до нов вреден трофеј од Аустралија Опен.