Поврзете се со нас

АТП

Ѓоковиќ го избра потешкиот пат, но најде решение за играчот со кој имаше негативен скор (Видео)

Објавено

на

Foto:twitter.com/RolexPMasters

Новак Ѓоковиќ полека се опоравува од стомачниот вирус и денеска изгледаше далеку подобро од вчерашното осминафинале против Грикспор, а тоа дефинитивно мораше да биде случај со оглед на ривалот кој го имаше на другата страна од мрежата.

Холгер Руне влезе во пресметката со светскиот рекет број еден како играч кој има позитивен скор и кој води со 2:1 во меѓусебните дуели, па иако и денеска потврди дека е тврд орев за Србинот, сепак на крајот мораше да му подаде рака на подобриот противник.

Србинот беше подобар тенисер во првиот сет и заслужено го доби истиот со 7:5, па иако тоа беше случај и во најголем дел од вториот сет, неискористената шанса при водство од 5:4 на крајот го оддолжи овој меч.

Ѓоковиќ не искористи меч топка на сервис на Руне и младиот Данец заигра многу подобро до крајот на вториот сет, а потоа го искористи и големиот пад кој го имаше Ноле во тајбрејкот.

Некарактеристично за него, Србинот направи неколку неизнудени грешки и му дозволи на Руне да израмни на 1:1 (7:3 во тајбрејкот), па тоа значеше дека го избира потешкиот пат за да стигне до победа.

Како многупати во кариерата, Новак беше непогрешлив во одлучувачкиот трет сет и брзо направи брејк за водство од 2:1, а потоа го задржа својот сервис до крајот и славеше со 6:4. Српскиот тенисер на овој начин се пласираше во полуфиналето на Мастерсот во Париз, а воедно израмни на 2:2 во меѓусебните дуели со Руне.

Ривал во претпоследната рунда во Франција ќе му биде подобриот од последното четвртфинале на програмата, она меѓу Де Минор и Рубљов.

Реклама
Реклама
Реклама

Популарни