Ѓоковиќ ги мобилизираше српските фанови: Можеби ова ми е последен пат…

Новак Ѓоковиќ ќе биде дел од српската Дејвис куп репрезентација на претстојното соочување со Грција, а во најновото интервју им испратил важна порака на своите сонародници.

Актуелниот формат на Дејвис купот ги проретчи настапите на репрезентациите на домашен терен, па грен-слем рекордерот предизвикал сериозно внимание со својата изјава и сигурно ќе ги наполни трибините во Белград.

– Драго ми е што се уште сум му на располагање на селекторот Виктор Троицки, кого го познавам од детството.

– Еден од најзначајните успеси во кариерата ми е победата во Дејвис купот во 2010 година, бидејќи играш за својата земја, имаш селектор и поддршка од трибините.

– Форматот на Дејвис купот сега е поинаков и немаме често можност да играме на домашен терен. Последен пат играв пред седум години во „Пионир“ и не знам дали до крајот на кариерата ќе се повтори вакво нешто. Затоа ги повикувам сите фанови да дојда и да не поддржат, – рекол Ѓоковиќ.

Србите се големи фаворити против Грција, а покрај Ѓоковиќ во составот се и Кецмановиќ, Меѓедовиќ и Лајовиќ.