Ѓоковиќ ги излуде српските фанови со својата шампионска обиколка на Белград (Видео)

Новак Ѓоковиќ беше еден од најважните олимпијци на штотуку завршените игри во Париз, бидејќи српскиот тенисер конечно го оствари успехот за кој сонуваше и мечтаеше цел живот.

Во својот петти обид, Ноле успеа да го скрши мразот и да го освои златниот медал на тенискиот турнир, а тоа му загарантира тениска бесмртност бидејќи успеа да освои се што можеше да се освои во „белиот спорт“.

Ѓоковиќ ги обедини сите титули со олимпиското злато и вчера дочека шанса да го прослави истото со своите сонародници во Србија, поради кои реши и да го прекине заслужениот летен одмор.

Новак се врати во Белград за да биде дел од фештата која се организираше за сите српски олимпијци, но покрај емотивното обраќање кое го имаше од балконот, Ѓоковиќ се погрижил и за свое шоу низ улиците.

Новиот олимписки шампион решил да ги излуди своите сонародници со обиколката која ја направил со својот автомобил, а потоа и долови како изгледало сето тоа од негова перспектива.

Novak Djokovic riding through the streets of Belgrade and celebrating with fans along the way. 🇷🇸pic.twitter.com/QQSI4mIlVA

— Danny 🐊 (@DjokovicFan_) August 12, 2024