Ѓоковиќ е се поблиску до рекордот на Штефи Граф

Новак Ѓоковиќ успеа да го освои АТП Мастерсот во Рим и со тоа да дојде до првата титула во 2022 година.

Српскиот рекет имаше одлична недела која беше крунисана со триумфот над Стефанос Циципас од 2-0 во сетови за 38 Мастерс во кариерата што е фантастична вест и најава пред престојниот грен слем Ролан Гарос.

Ноле останува број еден на АТП листата, односно од денеска ја започнува 370-тата недела како лидер со што е се поблиску до апсолутниот рекорд кој е во сопственост на легендарната Штефи Гарф.

Германката своемвремено 377 седмици беше недопирлива на рангирањето, па ова значи дека во блиска иднина можеме да бидеме сведоци како Новак доаѓа до нов неверојатен учинок, рекорд во кариерата.

Во првата десетка се уште Медведев, Зверев, Циципас, Надал, Алакараз, Рубљов, Руд, Оже-Алијасим и Беретини.