Ѓоковиќ долго време го пробиваше Фриц, па проработи за 11. полуфинале во Мелбурн (ВИДЕО)

Новак Ѓоковиќ е првиот полуфиналист на овогодишеното издание на Аустралијан Опен, место кое го обезбеди откако излезе како победник од пресметката со Тејлор Фриц.

Скоро четири часа Србинот и Американецот се надмудруваа, разменуваа удари на арената „Род Лејвер“ во Мелбурн, а и овојпат како поуспешен се покажа првиот светски рекет кој славеше со 3-1 во сетови со 7:6 (3), 4:6, 6:2, 6:3.

На Ѓоковиќ му беше потребно време да го пробие противникот, иако беа во ситуација тоа да го направи, но пропушти дури 15 брејк топки што е навистина неверојатно со оглед на квалитетот, искуство, знаењето на Србинот. Меѓутоа откако еднаш му го одзема сервисот на Фриц беше се полесно и потоа му одржа лекција за 11. полуфинале на овој грен слем турнир или вкупно 94 победа.

Ноле никогаш нема загубено полуфинале или финале на АО што доволно говори дека неговиот следен противник/противници ќе имаат исклучително тешка задача да го турнат од тронот, врвот.

Нареден ривал ќе му биде подобриот од дуелот Синер-Рубљов.

Through to an 11th #AusOpen Semi-Final. We'll let you run the numbers, but the 10x champion's strike rate from here is pretty good!@djokernole proves too strong for a gallant Taylor Fritz 7-6(3) 4-6 6-2 6-3@wwos • @espn • @eurosport • @wowowtennis pic.twitter.com/Abr5xArz0p

— #AusOpen (@AustralianOpen) January 23, 2024