Ѓоковиќ: Целта е исполнета, се останато е бонус!

Новак Ѓоковиќ имаше успешен старт на завршниот турнир во Торино каде по голема борба успеа да слави над Холгер Руне со 2-1 во сетови.

Ѓоковиќ кршеше рекети, но го „скрши“ и противникот по три часа игра во Торино! (Видео)

Србинот мораше добро да се испоти, да го даде максумумот против Руне кој одигра квалитетен меч, но и оваа игра не беше доволно за да се изненади фаворитот. Овој триумф воедно значење официјализирање на веста дека Ѓоковиќ како број еден ја завршува оваа година, поточно по рекорден осми пат во кариерата тој завршува календарска година на врвот на АТП листата.

MOST YEAR-END #1 FINISHES IN ATP RANKINGS HISTORY (since 1973):

8: Novak Djokovic 🏆🏆🏆🏆🏆🏆🏆🏆
6: Pete Sampras 🏆🏆🏆🏆🏆🏆
5: Jimmy Connors 🏆🏆🏆🏆🏆
5: Roger Federer 🏆🏆🏆🏆🏆
5: Rafael Nadal 🏆🏆🏆🏆🏆

— TENNIS (@Tennis) November 13, 2023

-Ова многу ми значи. Видовте дека имам многу емоции на теренот. Сам си направив притисок за да морам да победам. Го освоив Париз, што ме стави во подобра позиција и знаев дека ми треба една победа. Мило ми е што успеав и си олеснив. Се понатаму што ќе дојде е бонус. Ја исполнив мојата цел, -порача Ноле кој ќе стане првиот играч во историјата кој ќе остане на водечката позиција повеќе од 400 недели.