Ѓоковиќ без проблеми против најголемото изненадување на Австралија Опен, деветто финале за Србинот

Српскиот тенисер, Новак Ѓоковиќ стигна до своето деветто финале на Австралија Опен откако со чисти 3:0 по сетови (6:4, 6:3, 6:2) славеше против Аслан Карацев од Русија.

За Карацев ова беше историски успех затоа што преку квалификациите успеа да ситгне до едно полуфинале на голем турнир, со што влезе и во историјата со ваков дострел.

Ѓоковиќ пак видно расположен по победата ја повика публиката со овации да го испрати младиот Русин за кого ова беше најдобриот натпревар во кариерата.

– Сакам да се заблагодарам на сите кои дојдоа на овој натпревар, а на Аслан треба сите да му честитаме, да ги подигнеме рацете и да му аплаудираме. Ова никогаш во историјата на тенисот не се случило, некој од целосен анонимус да дојде до тука и да одигра толку добар турнир, -пораа Ѓоковиќ, а публиката го награди младиот тенисер со громогласен аплауз.

Ѓоковиќ во финалето ќе се сретне со подобриот од дуелот помеѓу Медведев и Циципас. На прашањето кој противник го сака во финалето, српскиот тенисер истакна дека не му е важно кој ќе му биде противник, посочувајќи дека ќе ужива во второто полуфинале.

Новак Ѓоковиќ во финалето на Австралија Опен ќе го брка својот 18 Грен слем трофеј во кариерата.