Ѓекереш му одговори на Габриел откако стоперот на Арсенал му се потсмеваше во Лисабон (Фото)

Виктор Ѓекереш почна да претставува сериозна закана за секоја врвна одбрана во европскиот фудбал, а поради голгетерескиот учинок кој го има, ривалите на него гледаат со се поголема почит.

Шведскиот напаѓач поставува нови стандарди во Спортинг кога се головите во прашање, но вчера имаше една мирна и тивка ноќ, во која беше целосно неутрализиран од дефанзивците на Арсенал.

„Топчиите“ победија со 1:5 во Лисабон и однесоа голема победа од Португалија, меѓутоа топ тема по средбата е реакцијата, односно провокацијата на Габриел.

Стоперот на Арсенал се потсмеваше со Ѓекереш и го испровоцира со имитирање на неговата прослава по постигнатиот гол за 0:3, а бидејќи сликата стана вирална, со одговор од Португалија се јави и големата ѕвезда на Спортинг.

– Му дозволувам да ја краде мојата прослава кога не е способен да си смисли своја! Не видов дека го направил тоа, видов од сликите по натпреварот. За мене е малку смешно, но и забавно што ја сака мојата прослава, – кратко возвраќа Ѓекереш.

🎭 Viktor Gyökeres: “Gabriel’s celebration? He’s welcome to steal it if he can’t create his own celebration!”.

“I didn’t know he did that, but it’s fun he likes my celebration”, told @ViaplayFotboll. pic.twitter.com/yxPdoJn84n

— Fabrizio Romano (@FabrizioRomano) November 26, 2024