Гираси и Адејеми ја доближија Борусија на „минус шест“ од ЛШ (Видео)

Борусија Дортмунд испорача шест гола во мрежата на Унион Берлин пред една недела, а тоа беше доволно добра увертира и за денешниот натпревар против Стен Паули на гостински терен.

Нико Ковач го запиша вториот триумф во Бундеслигата како тренер на „милионерите“, нешто што беше обезбедно на стартот на вториот дел.

Борусија ги зема работите под контрола при самиот старт на второто полувреме и постигна два брзи гола преку Гираси и Адејеми, со тоа што овој вториот го понесе и приматот играч на мечот.

Адејеми беше асистент на првиот гол кој го постигна најдобриот голгетер на Борусија, за потоа и самиот да се запише во листата на стрелците по една одлична соло-акција.

Борусија со овие три бода сега има пристојна негатива од местата кои водат во Европа, но дури и од оние кои водат во Лигата на шампиони (-6 од четвртопласираниот Мајнц).

Голот на Гираси погледнете го ТУКА

Голот на Адејеми погледнете го ТУКА