Гираси добил зелено светло за да го комплетира трансферот во ривал од Бундеслигата

Борусија Дортмунд го стопираше трансферот на Серу Гираси поради детектиран проблем за време на лекарските прегледи, но се чини дека одличниот напаѓач сепак ќе се пресели во најавениот нов клуб.

Гираси зад себе има одлична сезона во дресот на Штутгарт, сезона во која го потврди својот голем потенцијал и се наметна како посакувано засилување за повеќе европски екипи.

Борусија сепак ја доби битката за потписот на репрезентативецот на Гвинеја, при што детектираниот проблем на коленото привремено ја стопираше зделката.

Денеска Гираси ги повторил прегледите и лекарскиот тим на Борусија сепак дал зелено светло за комплетирање на трансферот, со што европскиот вицешампион ќе добие големо засилување во нападот.

Откупната клаузула на Гираси е 17,5 милиони евра, сума која дефинитивно е одлична инвестиција за Борусија.