Поврзете се со нас

Англија

Гигс: Само четворица играчи не го искусија „фен третманот“ на Ферги

Објавено

на

Сер Алекс Фергусон си направи свое место во историските читанки на Премиер лигата како еден од најголемите фудбалски мозоци кои некогаш се појавиле во фудбалот, но наспроти цела харизма и почит која ја носеше со себе, легендарниот Шкотланѓанец е добро познат меѓу фудбалерите по својот таканаречен „фен третман“.

Ферги никогаш не признаваше фудбалски ега и самите фудбалски ѕвезди признаваат дека биле сведоци на бесни изданија на тренерот кога им се внесува и вика в лице, а дел од оваа избрана група на играчи е и незаборавниот Рајан Гигс кој цела своја играчка кариера ја мина на „Олд Трафорд“.

Фантастичниот крилен фудбалер вели дека тој не бил поштеден од „фен третманот“ на својот омилен тренер, но сепак ги наброја четирите фудбалери кои биле исклучоци и кои не добиле „превоспитување“ од Фергусон.

– Има тројца или четворица играчи на кои Фергусон никогаш не им се внесе во лице. Ерик Кантона е првиот, Брајан Робсон е вториот, а потоа Рој Кин и Кристијано Роналдо. Сите тие на некој начин беа „меч победници“, луѓе кои имаа посебен статус, – вели Гигс за „БеИН Спортс“ и додава.

– Тие си ја правеа својата работа на теренот, па Ферги не почувствува потреба да го направи тоа и со нив, – заврши Гигс.

Реклама
Реклама
Реклама

Популарни