Гиди ги шокираше Лејкерс со кош за победа од центар (Видео)

Натпреварот меѓу Чикаго и Лос Анџелес Лејкерс ја донесе најлудата завршница во актуелната НБА сезона, а на крајот на победата се радуваа домаќините.

Откако на претходниот натпревар токму Лејкерс славеа со поени на ЛеБрон Џејмс во последната секунда, сега среќата им го сврте грбот на гостите од Ел-Еј, а херој на „биковите“ е Џош Гиди.

Лејкерс неочекувано загубија топка на плус два и дозволија Чикаго да поведе со тројката на Вајт, Ривс возврати со полагање на спротивната страна, но тоа не беше последниот збор на домашниот тим иако останаа само околу три секунди до крајот.

Гиди ја зема топката и погоди од центарот на теренот, предизвикувајќи голема еуфорија во арената.

THE ENDING OF BULLS-LAKERS OMG 😱😱😱 pic.twitter.com/PhHOjSKdS7

— SportsCenter (@SportsCenter) March 28, 2025

Херојот на Чикаго го заврши дуелот со трипл-дабл ефект, односно 24 поени, 14 скокови и 11 асистенции, а најефикасен беше Вајт со 26 поени.

Во редовите на Лејкерс се истакнаа Ривс со 30 и Дончиќ со 25 поени.

Единствената добра вест за ЛеБрон и компанија е што и Мемфис загуби од Оклахома Сити, па двете екипи остануваат со ист ефект во финишот на регуларниот дел од сезоната.

Кливленд – Сан Антонио 124:116

Орландо – Далас 92:101

Вашингтон – Индијана 109:162

Мајами – Атланта 122:112

Чикаго – Л.А Лејкерс 119:117

Оклахома – Мемфис 125:104

Јута – Хјустон 110:121

Сакраменто – Портланд 128:107