Поврзете се со нас

Германија

Германскиот шампион ќе добие нов тренер: Тухел си заминува од Баерн!

Објавено

на

Најголемиот германски клуб, Баерн Минхен одлучи да се раздели со стратегот Томас Тухел по крајот на оваа натпреварувачка 2023/2024.

Тухел пред една година седна на жешкото столче на „баварците“ наследувајќи го Јулијан Нагелсман, но не се прослави во овој период иако успеа да ја освои титулата во Бундеслигата по големиот кикс на Борусија Дортмунд во последното коло во минатата кампања.

Во актуелнава сезона пак баварците останаа без трофејот во Супер Купот, доживеаа шокантна елиминација од Сарбрикен во Купот, заостануваат осум бод зад лидерот Леверкузен во домашниот шампионат, а загубија и од Лацио во првата средба од осминафиналето на Лигата на шампионите.

Сето ова придонесе двете страни да седнат на маса и да се договорат дека најдобро е да се разделат по крајот на оваа година.

-Се договоривме дека ќе ја завршиме соработката по оваа сезона. Дотогаш јас и мојот тренерски тим секако ќе продолжиме да правиме се што можеме за да обезбедиме максимален успех, -порача Тухел кој имаше договор до 30 јуни 2025 година, ама тој ќе заврши многу порано.

Реклама
Реклама
Реклама

Популарни