Германски судии ќе ја делат правдата на мечот Македонија-Фарски Острови

Македонија успешно го реши предизвикот Летонија (1-0), но во овој ноемвриски „прозорец“ во Лигата на нации не очекува уште еден натпревар и тоа со Фарски Острови, единствената селекција која не успеавме да ја совладаме во групата.

Средбата е закажана за в недела од 15 часот и секако ние имаме една, единствена цел, да ги освоите трите бода и на идеален начин да го заокружиме овој циклус во Лигата на нации преку кој напредувавме и дојдовме до Б дивизијата.

УЕФА веќе ги одреди арбитрите за оваа пресметка, па така правдата на националната арена Тодор Проески во Скопје ќе ја делат судии од Германија.

Главен ќе биде 34-годишниот Даниел Шлагер кој вчера беше четврти судија на средбата во Атина меѓу Грција и Англија. Тој беше четврти судија и на мечот Спортинг Лисабон-Манчестер Сити во Лигата на шампионите, поточно најчестите предизвици во изминатиов период му се во германските натпреварувања.

Рафаел Фолтин и Свен Вашхитски ќе бидат асистенти, Тимо Герах е четври арбитар, Даниел Зиберт е задолжен за ВАР, а ќе му помога Рием Хусеин.