Германките немаа сили за подвиг во „Борис Трајковски“, Франција и Црна Гора во полуфиналето

Франција и натаму покажува дека е главен фаворит за титулата на Европското првенство и продолжува со стопроценетен ефект на турнирот, а последната победа ја оствари вечерва во Скопје.

Македонската публика можеше да го гледа тимот кој е претендент за највисок пласман на континенталниот турнир, но победата на „триколорите“ одреди два нови сигурни патници во полуфиналето.

Покрај Франција, таму сега сигурно е и селекцијата на Црна Гора, која со вечерашниот резултат и официјално се пласираше меѓу четирите најдобри селекции.

Германките немаа сили да и парираат на моќната Франција и цел меч беа во подредена улога, па оттаму и не чуди конечниот резултат кој гласи 29:21.

Според претпоставките, Франција во полуфиналето би требало да налета на Данска, додека Црна Гора ќе има доста тешка задача против лидерот во другата група, селекцијата на Норвешка.