Поврзете се со нас

Свет

Германди го исфрли Давидовски во последниот круг, Галаш е шести различен победник во ТЦР Европа

Објавено

на

Шестата трка во ТЦР Европа ни донесе и шести различен победник, бидејќи на вториот натпреварувачки ден на Спа, најдобар беше Јаким Галаш од Чешка, а голема штета беше тоа што нашиот Виктор Давидовски не ја заврши трката.

Галаш ја предводеше колоната од самиот старт како резутлат на изменетиот поредок на позициите во ова натпреварување, но поволна вест за него на почетокот беше и тоа што тимскиот колега Хомола со своето Хјундаи го мина Коронел и тоа му донесе доста помирна трка без многу напади.

Во првиот круг, навистина возбудлив беше потегот на Џиролами кој мина двајца противници од надворешноста и изби на четвртата позиција, место кое му овозможува да освои нови бодови и да остане на првото место во генералниот пласман.

За жал, неговиот тимски колега Давидовски денеска имаше лош ден, па така откако вчера освои бодови, а претходно победи на „Пол Рикар“ со сензационално возење, денеска беше удрен во самата завршница.

При самиот влез во последниот круг, Давидовски беше удрен од Џакомо Германди во борбата за 16-та позиција и трката му беше упропастена во завршните километри, па македонскиот натпреварувач остана без бодови на вториот натпреварувачки ден во Белгија.

Тоа значи и пад во генералниот пласман од деветтото на дванаесеттото место, додека Џиролами останува на првата позиција со вкупно освоени 205 бодови.

Следниот гран при викенд во ТЦР Европа се вози за две недели, а домаќин ќе биде Германија на двете трки кои се возат на 2-ри и 3-ти јули.

Реклама
Реклама
Реклама

Популарни