Германците го потврдија првото место во групата со триумф над Словенија

Германската машка ракометна репрезентација рутински ја совлада Словенија (36:29) на олимпискиот турнир и го потврди првото место во својата група.

Германците одиграа фуриозно во завршниот дел од првото полувреме, најавувајќи го конечниот епилог, оо водство на полувреме со резултат 23:14.

Вториот дел не донесе некаква драма на теренот и избраниците на Гисласон ја остварија четвртата победа на пет натпревари во групната фаза.

Хафнер со 7 и Хејман со 6 голови беа најефикасни во победничката селекција, додека кај Словенија 7 голови реализираше Хоржен.

Германија го продолжува настапот во среда, а во четвртфиналето ќе се соочи со подобриот од дуелот меѓу Франција и Унгарија, па се очекува големо дерби со домашната селекција во Лил.