Германците ги „спакуваа“ Јанис и Грција и се пласираа во полуфиналето на ОИ

Германската кошаркарска репрезентација бележи неверојатен раст во последните 18 месеци, па по историското злато на Светското првенство кое се одигра минатата година, сега влезе и во борбата за медали на Олимписките игри.

„Панцирите“ ја потврдија добрата форма и нагорната линија со одлично издани против Јанис Адетокумбо и компанија, без оглед на тоа што имаа ужасен влезе во мечот.

Првите 10 минути не даваа најава за лесна победа на Германија, бидејќи Грците играа агресивно во одбрана и во напад и водеа со 21:11. Сепак, тоа беше единствениот налет кој го имаше нашиот сосед на овој натпревар, бидејќи во продолжение се беше на страна на Германците.

Актуелниот светски пррвак се врати во игра до полувремето и одговори со 25:15, а потоа во вториот дел целосно ја презема контролата и се избори за полуфинале.

Германците беа предводени од Вагнер и Шредер кои уфрлија по 18 и 13 поени, па на крајот лесно славеа со конечни 76:63.