Герасимовски откри како ќе изгледа новиот модерен дом на Работнички (Фото)

Горан Герасимовски како градоначалник на Општина Центар се заложи да направи еден круцијален проект за доброто на Работнички, но и за македонскиот спорт.

На крајот на месец декември почна реконструкцијата и модрнизацијата на познатата сала Градски парк, а Герасимовски денеска ги објави и првите проекции за тоа како ќе изгледа новиот дом на кошаркарската гордост во Центар.

– Салата ќе биде модернизирана и целосно прилагодена за тренинзи и врвни спортски настани. КК „Работнички“ заслужува вистински дом, а со оваа реконструкција Општина Центар тоа ќе го обезбеди за својот најтрофеен клуб, отворајќи нови можности за успеси и давајќи поттик за понатамошен развој и подем на македонскиот спорт, – порача Герасимовски во декември, а денеска сподели нова објава на социјалните мрежи.

– Култната сала Работнички ќе блесне во ново руво! Реконструкцијата се одвива во полн ек и според највисоки стандарди.

– Го прошируваме теренот, наместо бетонски клупи поставуваме нови седишта, соблекувални, туш кабини, подно греење, кров и фасада. Во 2025-та добиваме нова и модерна сала по 50 години! Ви се допаѓа нели?, – гласи објавата на градоначалникот на Општина Центар.