Георгиевски: Репрезентацијата е на прав пат

За „Дерби“ од Унгарија,
Ристе Влахов

Македонија повторно оди на позитивен резултат, а според Георгиевски, играта на Црногорците ни одговара повеќе.

– По загубен натпревар нормално е да постои разочарување, но мислам дека треба да извадиме позитивна поука од овој пораз.

– Не беше многу квалитетен дуел бидејќи имаше грешки на двете страни, но во нашата репрезентација има и многу млади ракометари за кои ова е прво искуство на вакви натпреварувања. Сметам дека нашата репрезентација е на прав пат и не треба да се разочаруваме од поразот од Словенија.

– Немаме многу време да се подготвиме, но сите селекции се во иста позиција. Не знам во кој состав ќе настапи Црна Гора, но сметам дека повеќе ни одговара стилот на игра на овој противник и се надевам дека ќе оствариме победа,- изјави Георгиевски.

Македонија ќе се соочи со Црна Гора утре во 18 часот.