Георгиев го потврди интересот за купување на Вардар и откри дел од својот план

Благој Георгиев како поранешен бугарски репрезентативец и познат фудбалер од нашиот источен сосед се издвои како човек кој е најзагреан за спас на Вардар, фудбалски клуб чија неизвесност за жал е непозната бидејќи Градот Скопје најави дека нема да ги покрие долговите од досегашното раковоство.

Сергеј Самсоненко јасно стави до знаење дека веќе нема да биде прв човек на најтрофејниот фудаблски клуб во нашата земја, па во овој момент, како единствена добра опција се покажуваа онаа од Бугарија, или поточно од познатиот фудбалер.

Благој Георгиев потврди дека е преставник на конзорциум од Источна Европа кој е заинтересиран за преземање на сопственоста на ФК Вардар, клуб кој има огромна традиција на регионално, но и на европско ниво. Во разговорот за бугарската телевизија „НОВА“, Георгиев денеска објасни зошто планира да го купи Вардар заедно со европски партнери и во овој момент е оптимист околу реализирање на зделката, иако во овој момент се многу далеку од тоа.

– Доста од моите пријатели од Македонија ми раскажаа за традицијата на Вардар. Вардар во Македонија е како Левски и ЦСКА во Бугарија. Имаат многу фанови и тоа е најпопуларниот клуб во земјата.

– Веќе се запознав со дел од фановите, раководството, стадионот, базите на клубот. Можам да кажам дека може да се направи нешто големо со тој потенцијал. Во принцип, јас не сакам да зборувам нешто што не е готово. Далеку е од тоа, но знам дека многу се зборува на оваа тема во измиантиве денови. Вистина е дека сакаме да помогнеме со моите партнери и се надеваме дека нештата ќе се остварат, – порача Георгиев.