Генијалната „тривела“ асистенција на Јамал ги воодушеви фановите на Барса (Видео)

Барселона продолжи да „меле“ во препознатлив стил и славеше во дерби пресметката против лутиот градски ривал Еспањол, натпревар на кој најубавиот потег го изведе Ламин Јамал.

Иако голобрадото момче на Барса не постигна ниту еден од трите гола, начинот на кој асистираше до Дани Олмо стана вирален хит, бидејќи со еден генијален потег го најави триумфот на домаќините.

Шпанскиот репрезентативец режираше генијално „тривела“ додавање во стилот на Лука Модриќ, а акцијата доби најдобра можна завршница и благодарение на Олмо.

Дани се врати во стартната постава по санираната повреда и на прва ја зафати топката, па така додавањето на Јамал уште повеќе доби на значење.

„Тривела“ магиите без никаков сомнеж се едни од технички најтешките за изведување, а Јамал во дадената ситуација го направи тоа како да изгледаше најлесната работа во светот.