„Газета“: Милан подготвува ремонт со продажба на три големи ѕвезди кои разочараа оваа сезона

Милан го освои трофејот во Суперкупот непосредно по ангажманот на Сержо Консеиосао, па иако поранешниот тренер на Порто на најдобар можен начин ја стартуваше својата авантура на „Сан Сиро“, сепак и тој брзо се соочи со разочарувања како оние кои ги имаше неговиот претходник, Пауло Фонсека.

„Росонерите“ доживеаја болна елиминација од Феенорд во Лигата на шампионите и продолжија со уште еден лош резултат во Серија А, па два дена по поразот од Торино, еден угледен милански медиум излезе со сензационална вест поврзана за летниот преоден рок.

„Газета дело Спорт“ информира дека Златан Ибрахимовиќ и неговите први соработници планираат да направат поголема револуција претстојново лето, и тоа се продажба на три големи ѕвезди кои дефинитивно разочараа со своите настапи од стартот на сезоната.

Реномираниот весник со седиште во Милано најавува огромна промена во играчкиот ростер за сезоната 2025/26, а најголем дел од парите се очекува да бидат собрани од продажба на Рафае Леао, Мајк Мањан и Тео Ернандес.

Иако тројцата имаат важечки договори, „Газета“ уверува дека клубот ќе слуша понуда за секој од споменатите тројца, од едноставна причина што раководството веќе не гледа на нив како на играчи кои можат да бидат лидери на новиот Милан.