Газдата на Торино се правда пред навивачите: Не сакав да ми се повтори случајот со Белоти

Торино во летниот преоден рок остана без двајца квалитетни дефанзивци, а навивачите очекувано се незадоволни од стратегијата на сопственикот Урбано Каиро.

По трансферот на Алесандро Бонџорно во Наполи, Торино даде зелено светло и за трансферот на Раул Беланова во Аталанта, а јасно е дека барем во овој преоден рок клубот нема да може да најде соодветни замени.

Каиро се правда со фактот што фудбалерите решиле и инсистирале да заминат и тој не сакал да ги задржува во таква ситуација.

– Агентот на Беланова имаше комуникација со мене последните недели, навести заминување, па не е изненадување што веднаш штом доби понуда од Аталанта истата е прифатена.

– Ќе бев среќен и Бонџорно да останеше со нас, но задржување на фудбалер против неговата волја е грешка. Тоа ми се случи во минатото со Нкули и Белоти и не планирам да го повторувам истото, бидејќи знам дека долгорочно таквата одлука ќе ни се врати како бумеранг, – рекол Каиро.

Сопственикот на клубот потврдил дека Торино добил понуда и за Дуван Ѕапата, но истата е одбиена бидејќи напаѓачот сакал да остане.