Гави се договорил со Флик да биде изваден на полувреме: Цел свет знае дека судиите немаат милост кон мене

Барселона извојува важна победа на „Рамон Санчес Писхуан“ и прилично лесно ја приведе работата до крај во второто полувреме, период во кој каталонскиот гигант постигна три погодоци.

Фермин Лопез постигна гол за 1:2 непосредно пред влегувањето во игра и го најави пресвртот на Барселона, а бидејќи тој местото му го пополни на Гави, посебно внимание привлече тоа што играчот за врска беше повлечен уште на полувреме.

Гави имаше мали физички проблеми на самиот крај на првото полувреме, но и самиот призна дека не излегол да игра во вториот дел поради закана да не добие црвен картон, откако претходно веќе доби јавна опомена.

– Имав болки на крајот на првиот дел, а тренерот ми порача дека ова не е натпревар за правење глупости. Веќе имав жолт картон, а цел свет знае дека судиите немаат милост кон мене.

– На крајот, Фермин беше тој кој беше исклучен, но пред да се случи тоа, го реши натпреварот. Судијата комотно можеше да му покаже само жолт картон, бидејќи такво нешто видовме на дербито меѓу Реал и Атлетико. Себалјос за сличен старт доби жолт картон, а не црвен, – порача Гави.