Гатузо со вулгарни зборови по големата дерби победа над Динамо: Би бил вистинско……

Хајдук успеа да ги преточи сите непријатни случувања во клубот во позитивна енергија и да оствари огромна победа на гостувањето на „Максимир“, а победата над Динамо во Загреб значеше дека сплитскиот клуб е нов лидер на табелата во Хрватска.

Гостите победија со голот на Марко Ливаја на 20 минути пред крајот и оставија зад себе еден тежок и турбулентен период во клубот, причина поради која доста интересна изјава по победата даде и Џенаро Гатузо.

Рино му ја посвети победата на Никола Калиниќ кој беше отпуштен од клубот пред неколку дена, но исто така употреби и вулгарен речник во обидот да објасни зошто не го следел неговиот чекор.

Италијанецот призна дека пристигнал во Хајдук само поради Калиниќ, но сега не е кукавица да го остави тимот на цедило кога спортскиот директор веќе не е дел од клубот.

– Дали се плашам од отказ? Се плашам само од смрт, сакам да живеам и ја сакам оваа работа. Би ми било страв само од смрт во овој момент. Искрено, доволно заработив во кариерата за да живеам мирно до крајот на животот. Но, ова е работа која ме исполнува и не се плашам од ништо.

– Секоја победа носи своја приказна, но ова е магична ноќ. Нема лесен меч за никого и мора да продолжиме исто како досега. Го добивме дербито и покажавме почит кон нашите навивачи. Моја задача е да го усмерам овој брод, не сакам да се расправам со никого, јас сум само тренер и знам која е мојата работа.

– Играчите ја заслужија оваа победа, во изминатите два ипол месеци се работи со полна пареа. Кога дојдов тука, Калиниќ ми објасни дека Хајдук е како религија и поради него дојдов тука. Оваа победа е за него, тој е голем фан на Хајдук, не е лажливец. Зад себе како тренер имам над 400 натпревари за големи клубови, имам искуство и почувствував дека овие играчи даваат и срце и рака за мене. Не смеам да ги разочарам и затоа нема да си одам. Би бил го.но и мал човек ако сега ги напуштам овие играчи, – изјави Гатузо.