Гатузо продолжи по рецептот „топло-ладно“, Елмас одигра 10 минути (Видео)

Наполи цела сезона оди по рецептот „топло-ладно“ и Џенаро Гатузо е свесен за таквиот тренд, нешто што продолжи и на денешниот натпрвар против Беневенто кои „наполитанците“ сосема заслужено го добија.

По големото европско разочарување и елиминацијата од Гранада, Наполи денеска им се врати на победите во Серија А и останува блиску до топ четири пласманот во домашното првенство, откако не му даде никаква шанса на Беневенто на „Диего Армандо Марадона“ стадионот.

Дрис Мертенс се врати во стартната постава и постигна гол за 1:0 во првото полувреме во кое домаќинот доминираше, а потоа беше поништен гол на Зиелински поради офсајд.

Во второто полувреме, Наполи продолжи да притиска и погоди преку Политано за 2:0, а единствена црна дамка беше тоа што Кулибали доби црвен картон во 81-та минута.

Веднаш после ова, Елиф Елмас доби шанса и влезе во игра на местото на Мертенс, но во наредните 10 минути, немаше промена на резултатот и натпреварот заврши 2:0.