Гатузо по новиот кикс на Хајдук: Тренерот не може да направи ништо кога играчот прави грешка

Џенаро Гатузо многу брзо се соочи со голем притисок во Хајдук, а во прилог на легендарниот Рино не му одат и големите промашувања на неговите играчи од нападот.

Великанот од Сплит денеска повторно остана без планирани два бода и ремизираше на гостувањето кај Истра, натпревар на кој Гатузо имаше пресметка со еден добро познат италијански колега.

Пауло Трамеѕани денеска му беше ривал на Гатузо и успеа да донесе бод за својот тим, по кој помладиот стручњак директно ја префрли вината кон своите играчи кои имаа лоша реализација (1:1).

– Откако Пауло е во Истра, тие играат агресивно и човек на човек по цел терен. Против нас променија некои идеи, но воглавно имавме натпревар каков што очекувавме. Истра е тим кој знае да те казни на контри и тоа го видовме.

– Имавме многу шанси, но кога топката не сака да влезе во гол, тогаш тешко се победува. Најголем проблем е кога тимот не креира шанси, тогаш си одите дома со многу прашања во глава. Со нас не е така. Знаеме дека ние сме Хајдук, имаме многу навивачи, но тренерот не може да направи ништо кога играчот ќе погреши и нема да постигне гол. Ова не ни се случува првпат, моја работа е да го решам овој проблем. Ако реално се гледаат работите, вистинска штета е што не остваривме победа денеска, – вели Гатузо.