Гатузо по бламажата на „Полјуд“: Фудбалските богови беа против нас, со ваков тим…….

Џенаро Гатузо многу брзо се соочи со суровата реалност која ја носи Хајдук како фудбалски великан во Хрватска, бидејќи веднаш по срамната елиминација од Ружомберок во Конференциската лига, навивачите се обидоа да го искажат незадоволството такашто се обидоа насилно да го пробијат обезбедувањето и да влезат во вип ложата.

Иако беше далеку поагресивен тим, Хајдук скапо го плати примениот гол и загуби ос 0:1 на „Полјуд“, па огромна одговорност за елиминацијата му се препишува и на Рино кој создаде непотребно лоша атмософера пред овој важен меч во Европа.

Гатузо го отстрани Иван Перишиќ од првиот тим и ветеранот веќе си замина од Сплит, но очигледно тој бил најмал проблем кој италијанскиот стручњак морал да го решава.

– Овојпат ништо не беше на наша страна. Фудбалските богови беа против нас, ништо не беше на наша страна. Има такви денови во фудбалот. Момците се трудеа, моментално е средина на август и се трудиме и работиме. Се обидуваме да бидеме подобри, а мислам и дека заслуживме подобро на овој меч.

– Морав да го подготвам тимот за живот после Перишиќ, знам за каква фудбалска големина станува збор. Мораме да се помириме со ситуацијата, жалам што не минавме понатаму. Прашањето околу играчкиот кадар е прашање за клубот, а не за мене. Јасно е дека не можеме да бидеме конкурентни со тим од 17 или 18 играчи. Јас не раководам со пари и морам да се прилагодам на тоа што го имам. Немам забелешка за моите играчи, единствено беа невнимателни при прекини. Овој пораз навистина боли, но ќе мора да го надминеме, – изјави Гатузо.