Гатузо откри зошто му дал „црвен картон“ на Перишиќ: Дојде во мојата канцеларија…

Хајдук не успеа да ги освои трите планирани бода на пресметката со Локомотива на која во листата на стрелци се запиша нашиот репрезентативец Александар Трајковски.

Секако медиумите имаа прашања за играта, остварениот резултат, но тука беше и темата Иван Перишиќ. Офанзивецот беше „избришан“ од Џенаро Гатузо за овој меч, поточно отстранет од првиот тим.

Се пишуваше дека се работи за одлука донесена поради дисциплински причини, но сега стигна одговорот директно од тренерот Џенаро Гатузо.

-Пред 20 дена дојде во мојата канцеларија и ми рече дека би сакал да замине. Ако некој не сака да остане, тогаш морам да го почитувам остатокот од тимот, а во соблекувалната има правила кои треба да се почитуваат.

-Му дадов шанса да игра, 20 минути, 35 минути, 65 минути. Ако играчот изрази желба да замине, тоа може да доведе до погрешно размислување. Ова не е затворена приказна. Тој сè уште е тука, -истакна Рино.