Гасперини: Жал ми е за Копмајнерс, тој е жртвата во целата ситуација

Џан Пјеро Гасперини го подготвува својот тим за Супер куп пресметката со Реал Мадрид, а во пресрет на утрешниот дуел зборувал пред медиумите на различни теми.

Една од нив е и ситуацијата со Теун Копмајнерс, кој не тренира со своите досегашни колеги бидејќи решил да ја продолжи кариерата во редовите на Јувентус. Аталанта му има ветено дека нема да му создава проблеми да замине летово, но секако под услови диктирани од тимот од Бергамо и во ситуација кога ќе биде доведена соодветна замена.

– Жал ми е за повредените Скамака и Скалвини, но исто така и за Копмајнерс, кој нема да биде дел од овој натпревар.

– Тој е вистинска жртва во оваа ситуација, жалам што не успеав да го убедам да остане и да ги игнорира предизвиците на преодниот рок.

– Се работи за одличен фудбалер со кого се уште сум во одлични односи, ние сме му благодарни бидејќи ни помогна да стигнеме таму каде што сме денеска, – рекол Гасперини.