Гасперини: Арсенал не направи ништо посебно во Бергамо

Аталанта и Арсенал одиграа без голови на првиот натпревар од новата сезона во Лигата на шампионите, а домаќините беа поблиску до гол бидејќи не реализираа пенал на стартот на вториот дел.

Џан Пјеро Гасперини може да биде задоволен од настапот на своите фудбалери, а вели дека противникот не блескал во Бергамо и покрај квалитетот со кој располага.

– Ќе беше добро да го реализираме пеналот, предноста ќе имаше сериозно влијание врз натпреварот.

– Сепак, можеме да бидеме задоволни од изданието со кое му париравме на противникот, многу го ценам Арсенал, но вечерва не покажаа нешто посебно во нападот.

– Најважно е што ќе научиме многу од овој натпревар, посебно за тоа како треба да се спротивставиме на екипи од овој ранг, – рекол Гасперини, чија екипа во второто коло ќе се сретне со Шахтјор.