Гасол се огласи по повод шпекулациите кои го поврзуваа со бомбастичен премин во еден гигант

Легендарниот шпански кошарар, Пау Гасол се најде во центарот на вниманието откако одредени медиуми го објавија името на следниот негов клуб.

„Мундо Депортиво“ објави дека Гасол ја прифатил понудата на Барселона, клуб за кој играше од 1998 до 2001 година и се одлучил за враќање во европската кошарка.

Опција за искусниот шпански кошаркар беше и Лос Анџелес Лејкерс, клуб во кој играше од 2008 до 2014 година, но според шпанскиот весник, Гасол одбрал да се врати во Шпанија.

Сепак, 40 годишниот играч со кратка изјава ги демантираше написите дека ќе ја засили екипата на Барселона во следниот период.

– Во моментов сум фокусиран само на моето заздравување и не сум подготвен да се вратам во натпреварувачка кошарка, -кратко коментираше Гасол.