Гарсија е минато, легенда на Јувентус е прв кандидат за тренер на Наполи

Наполи вчера доживеа неочекуван пораз од Емполи во Серија А, пораз кој дефинитивно значеше крај на престојот на Руди Гарсија во таборот на италијанскиот шампион.

Клубот од Неапол се уште официјално ја нема потврдено оваа вест, но најголемиот дел од медиумите пренесоа дека е донесена одлука и дека веќе претседателот Аурелио Де Лаурентис веќе активно бара наследник на Французинот со тоа што веќе едно име се издвојува.

Имено прв пик на наполитанците е легендата на Јувентус и некогашен предводник на Удинезе, Верона, Марсеј, ПАОК, Галатасарај, Хајдук и Карабукспор-Игор Тудор.

Тудор е слободен откако си замина од „Велодром“, па според Фабрицио Романо, Хрватот ќе има директен состанок со Де Лаурентис каде ќе се разговара за договор, плата и сите детали за да се затвори оваа зделка.