Гарбахоса избран за нов претседател на ФИБА Европа

Поранешниот шпански репрезентативец, Хорхе Гарбахоса од денеска е нов претседател на ФИБА Европа.

Делегатите, претставници на европските кошаркарски федерации денеска гласале за нов претседател на генералното собрание кое се одржува во Минхен, а Гарбахоса ја добил битката за најважната функција.

Противкандидат на Гарбахоса беше Французинот Жан Пјер Сиуте, а на крајот Шпанецот доби заверка на четиригодишен мандат на претседателската функција.

Гарбахоса е актуелен претседател на Шпанската кошаркарска федерација, а ќе го наследи Тургај Демирел, кој ја доби титулата почесен претседател во очи на своето заминување од функцијата.

Претставници на Македонската кошаркарска федерација во Минхен се претседателот Перо Антиќ и генералниот секретар Владимир Георгиевски.