Галатасарај се засилува со уште еден фудбалер од Серија А

Отворениот трансфер прозорец во Турција им овозможува на клубовите од оваа земја да ангажираат фудбалери и по завршувањето на преодниот рок во другите европски земји, а најавите се дека уште еден фудбалер од Серија А ги пакува куферите и се сели во Истанбул.

Овојпат се работи за Мартин Залевски, досегашниот играч на Рома, кој постигнал договор со Галатасарај и ќе заработува по 2 милиони евра по сезона, плата која е три пати поголема од таа која ја добиваше како член на „волчицата“.

Тренерот Даниеле Де Роси го отпиша Залевски за новата сезона и клубот отворено му потенцирал дека треба да бара нова средина, а ваквото сценарио ќе биде реализирано деновиве.

Залевски пораснал во Италија, но настапува за полската репрезентација, а на последните натпревари потврди дека игра во одлична форма, што е уште една причина да исплати околу 10 милиони евра за трансферот.

Претходно, Галатасарај го обезбеди и Виктор Осимен од Наполи, кој влезе во отворен конфликт со клубот и мораше да најде решение за новата сезона.