Галатасарај невкусно го истрола Мурињо, Португалецот се чудеше (Видео)

Жозе Мурињо го загуби првото големо дерби во турскиот фудбал против Галатасарај, откако популарните „лавови“ му одржаа фудбалска лекција на неговиот Фенербахче.

Актуелниот првак славеше со 1:3 на гостувањето кај лутиот ривал и реши брзо да му фаќа сеир на искусниот португалски стручњак, така што реши да го преименува од „специјален“ во „плачко“.

Во објавата на Галатасарај се алудира на книга која навоедно е посветена на тренерот на Фенербахче, а на прикажаната слика го има напишано следниот текст:

– Ќе бидете изненадени од менталните ритуали што треба да се извршат додека читате. Целосен мајстор за плачење. Психозата што ја доживува авторот кога зборува за буквите ве тера да се смеете и да плачете. Авторот вешто ги отсликува привилегиите што му се доделени со ефект на огледало.

– Тој успешно ги комбинира перцепциите на реалноста со неговиот фантастичен свет. Оној што плаче ќе има сосема поинаква перспектива на законот за границите на фудбалскиот терен, – се вели во објавата на Галатасарај.

Оваа објава беше објавена веднаш по дербито, па еден новинар во подтрибинскиот простор побара реакција од Мурињо:

– Дали си сериозен дека го објавиле тоа? Немема што да коментирам……, – изјави Португалецот.

🚨 "Ciddi misin, şaka mı yapıyorsun?"

👤 Derbi sonrası basın toplantısına katılmayan Jose Mourinho, stat çıkışında Galatasaray'ın kendisiyle ilgili 'The Crying One' paylaşımı hakkında sorulan soruya sinirlendi.

🎥 @8gamzeturk pic.twitter.com/kDDtNt7NZI

— Spor Arena (@sporarena) September 21, 2024