Галас за потенцијалното засилување за Арсенал: Тој ќе влезе во конфликт со Артета

Арсенал нема среќа со повредите во оваа сезона, па ќе мора истата да ја заврши без дел од играчите како Хаверц, Жезус и Томијасу.

„Топчиите“ како повредени во офанзивата ги имаат Сака и Мартинели и токму поради сето ова имаше одредени информации за засилувања, односно играчи кои се слободни и би можеле да помогнат до крајот на кампањата.

Меѓу оние имиња кои беа ставени на маса беше и она на некогашниот напаѓач на Челси, Атлетико Мадрид, Рајо Валјекано и Вулвехемптон, Диего Коста кој има 36 години.

Колку е подготвен и фит Бразилецот со шпански пасош е знак прашање, но и да е се во ред според Вилијам Галас премиерлигашот нема потреба да ризикува со негов потпис.

-Диего Коста е голем лик кој може да биде добар за вашиот тим кога треба да се крене атмосферата. Сепак, можам да го видам како се судира со Микел Артета. Тој нема да се вклопи во расположението во клубот и мислам дека ќе тргне во погрешна насока. Иако им треба напаѓач. Навивачите на Челси исто така би биле незадоволни. Мислам дека тој би го одбил потегот поради неговата историја таму и како би реагирале навивачите, -истакна Галас.