Галас за потегот на Артета: Тоа покажува дека не е тренер од светска класа

Микел Артета веќе неколку години го води премиерлигашот Арсенал, период во кој беа или се потрошени големи средства, но освоен е само еден значаен трофеј и тоа во рамките на ФА Купот.

Токму поради ова има критики на адреса на Шпанецот и веќе се почество се поставува прашањето дали тој е вистинскиот човек за „топчиите“, односно дали има знаење, капацитет да го однесе клубот на друго ниво и да освојува титули.

Засега Артета е безбеден, но критики за неговата работа има, а последниот „напад“ дојде од Вилијам Галас кој го посочи ангажманот на Рахим Стерлинг како потег кој говори дека Микел се уште не е менаџер од највисока класа.

-Артета носи играчи и ги става на клупата, никогаш не им давате шанса на момците. Зошто ги носите играчите? Зошто го доведуваш Стерлинг? Сите знаеја дека го нема квалитетот што го имаше во Ливерпул и Манчестер Сити, но кога го носиш на почетокот на сезоната, никогаш не му даваш шанса.

-Посебно кога требаше да ротираш, никогаш не му даваш минути на крило. Наместо тоа, го држиш на клупа, секогаш ги користиш истите играчи, а сега тие се уморни и самодовербата на Стерлинг целосно исчезна. Затоа велам дека тој е добар тренер, но не е од врвна класа, а не од светска класа, -порача некогашниот дефанзивец на клубот од Лондон.