Галас: Ако Палмер сака да биде најдобар во Европа мора…

Кол Палмер е еден од играчите кој и оваа сезона блеска во Премиер лигата и со тоа го привлекува вниманието со таа разлика што Челси во досегашниот тек е конкурентен и во моментов го зазема второто место на табелата.

Офанзивецот има постигнато 11 гола и забележано 6 асистенции во шампионатот, па сосема очекувано добива комплименти за настапите. Вилијам Галас како поранешен фудбалер на „сините“ дефинитивно му е драго што клубот има играч како што е Палмер, но Французинот смета дека Англичанецот мора уште да напредува, да се докажува за да го има статусот на еден од најдобрите во Европа.

-Кол Палмер може да биде најдобриот играч во Европа, но не сакам да го поздравам како најдобар играч на играта додека не го направи она што го направи за Челси со Англија. Но, тој веќе има толку многу одлични настапи за Челси и изгледа дека воопшто не чувствува никаков притисок, тој е толку кул.

-Двата пенали го сумираа, Енцо Мареска му даде толку многу слобода и му дозволи да игра токму онаму каде што е најдобро за него, што функционира толку добро, -порача Галас.