Галахер се вратил во Англија откако Челси и Атлетико и натаму се надмудруваат за трансферот

Кевин Галахер одамна ги прифати условите за трансфер во редовите на Атлетико Мадрид, дури и отпатува во шпанската престолнина очекувајќи промоција во новиот клуб, но бизарно, неговиот трансфер се уште не е официјален.

Англиските медиуми пренесуваат дека на фудбалерот му било препорачано да се врати во својот дом во Англија откако пет дена чекаше Челси и Атлетико да постигнат конечен договор за трансферот.

Клубот и агентите на фудбалерот се согласиле дека е некоректно англискиот репрезентативец да тренира сам и да престојува во хотел во Мадрид, додека не е јасно кога би можело да има конечен епилог на оваа трансфер сага.

Проблемот настана откако двата клуба не успеаја да се договорат за трансферот на Саму Омородион во спротивна насока, па поради тоа и трансферот на Галахер е стопиран.

Во меѓувреме Челси се заинтересира и за Жоао Феликс, но Атлетико бара над 50 милиони евра и тоа повторно е сума за која ќе следат долги преговори.