Галагер се одјави од Челси со проштална порака, легендарниот Тери не го крие разочарувањето (Фото)

Конор Галагер речиси целиот свој живот е поврзан со ЧЕлси и од најрана возраст е тесно поврзан со клубот од „Стемфорд Бриџ“, од кого сега буквално дочека да биде избркан како прекуброен во тимот на Енцо Мареска.

По завршеното Европско првенство, Галагер доби препораки воопшто да не се појавува на тренинзите на Челси, а по едномесечна драма и преговори со Атлетико Мадрид, попладнево конечно се реализираше зделката.

Шпанскиот клуб се пофали со потписот на Англичанецот кој го добива за сума од 40 милиони евра, а понудениот петгодишен договор е јасен сигнал дека „душекџиите“ имаат сериозни планови со Конор.

Галагер изминатите 18 години ги мина во фудбалскиот клуб Челси и имаше тежок и трнлив пат до првиот тим, па затоа на фановите им е посебно жал што клубот дозволи да си оди продукт од фудаблската школа.

Играчот за врска брзо реши да го објави своето проштално обраќање до фановите на Челси, а прв со реакција се јави „скршениот“ Џон Тери кој е разочаран од целиот развој на ситуацијата.

– До сите луѓе во Челси, ви благодарам што ми се оствари сонот. Беше неверојатна чест да го облечам овој дрес и си го остварив сонот такашто неколку пати бев капитен. Уживав во секој момент, тие спомени ќе траат вечно. Благодарен сум за цела љубов од фановите, вашите песни на „Стемфорд Бриџ“ ми будеа специјално чувство, а банерот кој ми го наменивте ми значеше се на светот. Ви благодарам за се, му посакувам на клубот се најдобро во иднина, се надевам дека набрзо ќе се видиме на „Стемфорд Бриџ“, – порача Галагер, а Тери меѓу првите се јави со коментар.

– Уништен сум што гледам како си одиш…….

View this post on Instagram

A post shared by Conor Gallagher (@conorgallagher92)