Поврзете се со нас

Зимски спортови

Гајгер победи во Оберздорф и се промовираше како кандидат за триумф на „Четири скокалници“

Објавено

на

Германскиот репрезентативец Карл Гајгер ја оствари најважната победа во Светскиот куп во ски-скокови, триумфирајќи на првиот натпревар од турнејата „Четири скокалници“ во Оберздорф.

Гајгер ги израдува домашните фанови со два убедливи скока, кои беа доволни за првото место, оставајќи го зад себе двократниот победник на турнејата, Камил Стох од Полска.

Третото и последно место на победничкиот подиум му припадна на Норвежанецот Мариус Линдвик.

Гајгер е прв Германец кој победил во Оберздорф по Зеверин Фројнд пред пет години, а сега ќе биде меѓу фаворитите за победа на новогодишната турнеја во ски-скокови.

Минатата година Гајгер го освои третото место во генералниот пласман, додека победникот, Давид Кубацки од Полска, денеска го освоил само 15. место.

Следниот натпревар ќе се одржи во Гармиш на 1. јануари 2021 година, а потоа најдобрите светски ски-скокачи се селат во Инсбрук и Бишофсхофен.

Реклама
Реклама
Реклама

Популарни