Гачевски по пет години си заминува од Вардар: За жал дојде и тој момент, сакам да ме паметите…(ФОТО)

Филип Гачевски во наредната сезона нема да биде дел од најтрофејниот македонски фудбалски колектив Вардар.

Популарниот Гача по пет минати години во „црвено-црниот“ дрес ќе побара нов предизвик во својата кариера, а оваа информација ја соопшти самиот тој преку социјалните медиуми.

-Не сакам да бидам запаметен како добар или лош голман, туку како добар човек. Ви благодарам и секаде каде ќе одам ќе извикувам ,,Вардар во срце те носам”!!! Еден живот – една љубов, -стои во дел од статусот на Гачевски на Фејсбук.

Кој е новиот клуб на голманот се уште не е познато, исто како и судбината на Вардар кој според одредени информации ќе тргне со помал буџет за да го избегне најлошото, ама останува да почекаме потврда за овие вести.