Габриел: Не се ни сеќавам што направи Халанд, но сега ги чекаме………

Габриел водеше жестоки битки со Ерлинг Халанд на теренот и се чинеше дека тој ќе се радува на трите бода во големото дерби, но примениот гол во завршницата му овозможи на Норвежанецот да режира потег кој беше доста коментиран на социјалните мрежи.

Халанд ја зема топката по постигнатиот гол на Стоунс и со истата го погоди Габриел во глава, па откако доби низа критики за својот провокативен потег, медиумите од Бразил извлекоа изјава и од стоперот на Арсенал.

Габриел не дава преголемо значење на инцидентот, бидејќи како што вели самиот, во моментите на голема напнатност на теренот, не ни почувствувал дека добил удар во глава.

– Потегот на Халанд? Искрено, не се ни сеќавам дека сум бил удрен со топка. Не се сеќавам на тоа, но тоа за мене е нормално.

– На теренот секогаш има битка, војна и провокации. Тоа е нормална работа на теренот, тоа е дел од фудбалската игра. Сега е крај и тоа останува зад нас. Мечот на „Итихад“ заврши, сега го чекаме моментот кога ќе дојдат во нашиот дом, – изјави Габриел.

WATCH HAALAND HERE. Bounces the ball off of Gabriel's head after City equalizer. Haaland Haaland-ing ☠️ pic.twitter.com/iG4mOeSxkY

— Men in Blazers (@MenInBlazers) September 22, 2024