Габриел го стави Ѓекереш „во џеб“, па му се потсмеваше со неговата прослава откако постигна гол (Видео)

Арсенал фуриозно настапи на гостувањето во Лисабон и му одржа фудбалска лекција на португалскиот првак, кој вчеравечер едноставно немаше што да бара во пресметката со разиграните „топчии“.

Гостите од Северен Лондон во раната фаза од мечот постигнаа два гола за водство од 0:2, но пред крајот на првиот дел, уште еднаш покажаа дека се специјалисти за прекини.

Габриел постигна импресивен гол со глава за 0:3, но откако го направи тоа, реши да му фаќа сеир и на најдобриот европски голгетер.

Виктор Ѓекереш е вистински хит во фудбалска Европа од стартот на сезоната, но синоќа беше целосно „ставен во џеб“ од Габриел, а мораше да трпи и сеир од Бразилецот.

По постигнатиот гол за 0:3, Габриел реши да слави со препознатливата прослава на Швеѓанецот, па повеќе од јасно е дека се потсмеваше со главната ѕвезда на Спортинг.

Gabriel hit Gyökeres’ Bane celebration after scoring Arsenal’s third against Sporting 💀 pic.twitter.com/FfcJZ45Xf3

— B/R Football (@brfootball) November 26, 2024

Видеото погледнете го ТУКА